Kako su istakli iz SD praznici su uvijek prilika da se podijeli radost, a njihova današnja posjeta, prilikom koje su uručili skromne poklone je kako kažu samo mali znak pažnje kojim žele da uljepšaju praznike najmlađim sugrađanima i njihovim roditeljima.

„Solidarnost je jedan od temeljnih principa socijaldemokratije na kome mora počivati svako ozbiljno, savremeno društvo u kojem svaki odgovorni pojedinac, kao i politička organizacija brinu o ljudima oko sebe. Djeca i mladi s teškoćama u razvoju moraju biti u središtu djelovanja usmjerenog na izgrađivanje inkluzivnih društava, ne samo kao korisnici, već i kao nosioci promjena. Taj put prema naprijed biće pun izazova, ali djeca ne prihvataju nepotrebna ograničenja. Ni mi ne treba da ih prihvatimo, već da djelujemo u pravcu postizanja bolje budućnosti za sve bez razlika, čemu će Socijaldemokrate svojim angažmanom doprinijeti“ – poručila je Rada Luković, predsjednica Foruma žena SD Tivta.