Ministar zdravlja, Budimir Šegrt, je prošlog ponedjeljka predao Kadrovskoj komisiji Vlade prijedlog da direktor Fonda za zdravstveno osiguranje bude generalni direktor Direktorata za poreski i carinski sistem u Ministarstvu finansija Novo Radović, međutim Radovićeva nominacija nije naišla na odobravanje, zbog čega je sa Šegrtom postignuto kompromisno rješenje da se na čelo Fonda imenuje Cirgić, saznaje Pobjeda.

Prijedlog za njegovo imenovanje Šegrt je pripremio već za današnju sjednicu Vlade.

Kenana Hrapovića, kako saznaju iz Pobjede, čeka nova funkcija, ali izvor nije mogao da precizira i koja. Cirgić je, kao i Hrapović, kadar Socijaldemokrata Ivana Brajovića.

Novim Zakonom o zdravstvenom osiguranju, koji je stupio na snagu krajem januara, predviđeno je da u roku od 30 dana ministar zdravlja Vladi predloži direktora Fonda, ali je on sa tom inicijativom čekao sve do sada, jer nije želio da još jedan mandat ponudi Hrapoviću, zbog njihovih loših odnosa, ali nije imao podršku.