Ovim i zvanično ulaze u borbu za bolju Crnu Goru.

"Crna Gora mora ići naprijed, jer je već krenula u tom smijeru i ne smijemo dozvoliti da to sada stane. Zato ćemo se dosljedno, kao što smo to i do sada činili, boriti da Crna Gora nastavi putem kojim je krenula. Svjesni smo propuštenih prilika i greški, ali imamo rješenje da to ispravimo. Da to možemo već smo dokazali, jer iza nas stoje rezultati, a ne prazne riječi", saopšteno je iz SD-a.

Oni dodaju da će se zajedno boriti da stvore jednu bolju i pravedniju Crnu Goru, "Crnu Goru socijalne pravde u kojoj će biti jednakosti za sve".

Njihovi prioriteti biće otvaranje novih radnih mijesta, stvaranje pravednog i solidarnog društva i omogućavanje mladima da imaju lijepu sadašnjost i još ljepšu budućnost u svojoj zemlji.

"Odlučli smo da samostalno nastupimo na parlamentarnim izborima i uvjereni smo da ćemo nadmašiti odličan rezultat koji smo ostvarili na nedavno održanim lokalnim izborima u Tivtu, kada je naša lista osvojila više od 10% glasova. Građani Crne Gore znaju da se 16. oktobra odlučuje o tome kako će se Crna Gora mijenjati i kako će se u njoj živjeti. Socijaldemokrate nude stabilnu i dosljednu politiku, koju građani prepoznaju, i zato smo sigurni u odličan izborni rezultat", zaključuju iz ove partije.