Samohrana majka Milijana živi u trošnoj kući u mjestu Stedim u Nikšiću kao podstanar sa svoje dvoje malo djece, kćerkom Lidijom(10) i sinom Lazarom(7) koji, kako su kazali iz Banke Hrane, je dijete sa smetnjama i teškoćama u razvoju

- Oronuli vlažni zidovi kuće i polomljene stvari samo su dio problema sa kojima se ova majka svakodnevno srijeće. Milijana nije sposobna da radi jer i sama ima dosta zdravstvenih  problema pa se snalazi sa  socijalnom pomoći kako zna i umije. Kako kaže ona i neki od doktora sumnjaju da Lazar boluje od autizma i rado bi ga vodila na dalja ispitivanja jer ono što  bi najviše  od svega voljela jeste da Lazar progovori i konačno čuje, da je zove mama - naveli su iz Banke Hrane.
Tada bi majci, kaže, sva nemaština  i muke kroz koje prolazi mnogo lakše  pali.

I sama često ostaje gladna kako bi djeca imala hranu. Ipak, djeca nemaju zimsku odjeću i obuću. 

Stoga Banka Hrane, koja je pomogla u skladu sa mogućnostima, poziva sve ljude koji su u mogućnosti da pomognu ovoj porodici u hrani,novcu,odjeći...

- Pokažimo koliko smo humani - apeluju iz ove organizacije.

Novčana sredstva je moguće uplatiti  na  žiro račun  na ime Milijana Vučić 535-0100100136001-91 kod Prve banke.
Kontakt porodice je moguće dobiti na e mail [email protected], telefon +382 69 495 680  ili u inboxu na Facebook stranici.
ttps://www.facebook.com/banka.hrane/?ref=hl