BAGDAD - U seriji bombaških napada u većinski šiitskim djelovima Bagdada danas je poginulo najmanje 70 osoba.
Nijedna grupa zasada nije preuzela odgovornost za napad. Sunitiski islamski ekstremisti i pripadnici krila Al Kaide u Iraku su od početka godine pojačali napade, čija su meta često šiitske oblasti, napomenula je agencija Rojters.
Na prometnim pijacama širom Bagdada ođeknulo je desetak eksplozija.
Irak se bori da suzbije talas nasilja koji je ovog mjeseca usmrtio više od 450 ljudi. To je drugi uzastopni mjeseci u kojem je poginulo više od 400 osoba.
Od vrhunca tokom 2006. i 2007. godine, nasilje u Iraku se nešto smanjilo, ali su napadi i dalje česti. U njima je od početka 2013. ginulo najmanje po 200 ljudi mjesečno.
(Izvor:Tanjug)
