Na ovakvo okupljanje u znak protesta za jučerašnje nemilosrdno ubistvo mladog policajca dok je obavljao svoju dužnost, Novljani su pozvani sinoć preko društvenih mreža,prenosi Radio Jadran.

Pokretači i inicijatori mirne protestne vožnje su rezignirani i ogorčeni načinom na koji je službenik Granične policije Milutin Leković nastradao obavljajući svoj posao.

„Da se okupimo kao građani, prijatelji kolege i drugovi našega Leke i napravimo mu posljednji pozdrav i zahvalnost njemu na požrtvovanosti i to što je dao život braneći nas od onih koji su njemu naudili. Ovim malim gestom pružamo podršku i Upravi policije koja nas stalno štiti i koja je tu za nas i koja nas štiti od ovakvih koji su među nama“, kazao je za Radio Jadran Luka Lučić jedan od pokretača protesta.

Kolona vozila se zaustavila kod Galeba kako bi zapalili svijeće na mjestu gdje je Milutin Leković upucan.

Foto: Radio Jadran

Protestna vožnja ići će do Meljina, a onda će produžiti ka Centru bezbjednosti HN gdje će pružiti podršku policiji u zaštiti njenih službenika.