- Nunjez, koji je takođe poznat i kao „M-10″, uhapšen je u državi Čivava, na sjeveru Meksika, tačnije u pograničnom gradu Sjudad Huarez. Za ovu osobu se vjeruje da je odgovorna za ubistvo više od 350 ljudi čija tijela su skrivana u 23 masovne grobnice – saopštio je porparol policije Eduardo Sančez.

Taj bivši policajac je prvo radio za Suarez Kartel, da bi se kasnije pridružio suparničkoj Sinaloa organizaciji, na čijem čelu je najtraženiji čovjek u Meksiku Joahin Gusman.

Policija Nunjeza sumnjiči za višestruka ubistva, otmice, porast nasilja i porast prodaje droge u Sjudad Huarezu, koji se graniči sa gradom El Paso u američkoj državi Teksas.

Nunjeza i Savezni sud u Teksasu tereti za šverc drogom, a meksičke vlasti su saopštile da bi i u SAD mogao biti osuđen na kaznu zatvora i do 40 godina, međutim Amerika još nije uputila zahtjev da se Nunjez izruči njihovim pravosudnim organima, prenose mediji. (Agencije)