PzP ocjenjuje da takvo postupanje stvara nedemokratskli ambijent i škodi procesu Atlantskih integracija.

"Ujedno, takvo nezakonito i neprimjereno ponašanje organa reda pokazuje da je Crna Gora društvo u kom je nepoželjno imati svoje mišljenje“, kazali su u ovoj partiji. 

PzP je posebno neprijatno iznenađen činjenicom da su tokom proslave dana NATO saveza na neprimjeren način iskorištena djeca u propagandne svrhe.

"Slike desetogodišnjaka koji nišane najmodernijim oružjem koje su osvanule na naslovnim stranama dnevnih novina sasvim sigurno neće dopinijeti promociji NATO-a već će proizvesti sasvim suprotne, negativne efekte“, ističu u PzP-u.

Prema njihovim riječima, proslava dana NATO saveza – ponašanje policije prema oponentima učlanjenja i nakaradna zloupotreba djece u tzv.promotivnoj kampanji – ilustrativno su pokazali stepen nesposobnosti "nadležnih" da na primjeren i razuman način građanima približe ovo veoma značajno pitanje naše državne budućnosti.