Kalamperović je ostao u SDP iako je javno podržao Ivana Brajovića kao kandidata za predsjednika na VIII kongresu i bio potpisnik Platforme, koju je Glavni odbor odbio, nakon koje je došlo do masovnog napuštanja stranke čiji je predsjednik Ranko Krivokapić.Kalamperović juče nije htio ni da potvrdi niti da demantuje informaciju da je ostao član SDP.

"Ne želim da komentarišem partiju niti da dajem bilo kakve izjave. Ja sam čovjek od 70 godina i ne želim više da govorim o tome", bio je kratak odgovor Jusufa Kalamperovića na pitanje Dnevnih novina da li je još član SDP.

Kalamperović nikada nije potvrdio da je napustio SDP iako je bio jedan od potpisnika Platforme koju je dio funkcionera koji podržavaju Ivana Brajovića predložio Glavnom odboru partije, nakon čijeg odbijanja je došlo do konačne podjele ove partije. Kalamperović koji nije član Glavnog odbora kazao je nedavno medijima da je potpisnik Platfrome, ali da odluku o njoj prepušta drugima.

''Platforma je pošten pokušaj da se sačuva jedinstvo partije,'' kazao je Kalamperović Anteni M.

U taboru aktuelnog predsjednika SDP Ranka Krivokapić kažu da je sve više starih članova partije, koji su je i ranije bili napustili, koji se vraćaju u SDP-u. Najavljuju da će uskoro objaviti i njihova imena.