Kosovo nema zaseban broj na listi jer nije dio Ujedinjenih nacija.

Globalni indeks organizovanog kriminala, koji objavljuje Globalna inicijativa protiv transnacionalnog organizovanog kriminala, služi za mjerenje nivoa organizovanog kriminala i otpornosti na taj fenomen, pišu danas kosovski mediji.

Inicijativa se nada da će objavljivanjem podataka podstaći odgovor na prijetnje koje dolaze od organizovanog kriminala.

Indeks rangira stopu kriminala na skali od jedan do deset, pri čemu je deset najlošiji rezultat.

Kosovo ima 5,19 poena i bolje je plasirano od svih zapadnobalkanskih zemalja.

U Evropi je na prvom, najlošijem mjestu Rusija, a na drugom Srbija.

Crna Gora je četvrta, BiH peta, Albanija je na devetom, a Sjeverna Makedonija na 11. mestu.

Srbija je na 33. mjestu u svijetu, Crna Gora na 45. a BiH na 49. mjestu. Albanija je na 61. a Sjeverna Makedonija na 74. mjestu.

U svijetu je najlošija Demokratska Republika Kongo, a slijede Kolumbija, Mjanmar, Meksiko i Nigerija. Među deset najlošijih su i Iran, Avganistan, Irak, Centralnoafrička Republika i Honduras.