U videu koji je postao pravi hit na društvenim mrežama, vidi se kako se par vozi auto putem, a Kristin kroz stenjanje i vrištanje moli svog supruga da stane negdje bliže, jer misli da ne može da izdrži do bolnice. Troj se trudio svim silama da je umiri dok ne stignu do bolnice, ali kako je zakoračila iz kola, Kristin je rekla da osjeća bebinu glavu kako izlazi. U tom momentu, Troj je zgrabio torbu iz kola i pozivao zaposlene u pomoć.

"Izašla je iz kola i samo se ukopala u mjestu. Ja i dečko koji radi na parkingu smo je tjerali da sjedne u kolica, ali nije mogla. U samo nekoliko minuta naša beba je prosto izletjela iz nje. Kristin je vikala na mene da uhvatim bebu, jer se sve tako brzo dešavalo", ispričao je Troj.

Dječak, kome su dali ime Truet, rodio se 28 juna u 2 ujutru, a čak 10 babica je izletjelo iz bolnice da pomogne Kristin.

"Oduševljena sam što imam sve snimljeno. Iako smatram da je to veoma intiman trenutak da bih ga podijelila sa cijelim svijetom, smatram da je dobro da ljudi vide šta su naša tijela sposobna da urade", rekla je Kristin.

Troj obožava da snima događaje iz njihovih života, a takođe je snimio rođenja njihova dva starija djeteta, Tarnera i Tilmana, prenosi Stil.